خطير: فتاة تروي تفاصيل جريمة فضيعة تورط فيها وزير الصحة المقترح

بعد اقتراح تعيين الهادي خيري وزيرا للصحة في حكومة المشيشي، تداول رواد وسائل التواصل الاجتماعي تدوينة لفتاة تتهم فيها وزير الصحة المقترح بتورطه في حادثة ولادتها التي ادت الى فقدانها ليدها و تستره على الحادثة. و هذا ما جاء في نص التدوينة:

“نحب نحكي على الوزير الجديد هادي خيري ماللول كي سمعت عادي اسم والا وزير كالوزرة الكل اما اني قلت اسمو لامي وهيا تصدمت جاتها البهتة علاش على خاطر اسمو عمرها مانساتو ولا باش تنساه من نهار 22 فيفري 92 ولتوا لا نساتو اسمو 28 عام والتوا محفور في ذاكرتها خاطرو هوا شارك في ابشع جريمة تصير على مرا في قسم الولادة فرحات حشاد اني مالول ماعنديش معاه مشكلة امااا تو ولات عندي معاااه ونقلووو مانيش مسامحتك لادنيا ولاخرة خاطر انت تسترت على جريمة صارت قدامك وانت في بالك باها في جرت زميلك الدكتور فتحي المسعودي الي خلاني اني عايشة باعاقة عضوية دايمة نعيش بيد وحدة زميلك الي مايعرش يستعمل الة الماعون الي يولدو باها النساء زميلك الي امي تقلو راني نولد بالعملية وهوا يقلها نعرفو خدمتنا يا مدام خدمتو الي امي يشوف فاها فأرة تجارب جرب باها الجهل متاعو فالالة الي بعد فالتقرير طلع اول مرة شيستعملها ومايعرفش كيفاش يستعملها طبيب توليد ومايعرفش يفرق بين راس البيبى وايدو الطبيب الكفأ يجبد الراس هوا جبد اليد جات عندو واني قعدت في كرش امي فاللحظة اذيكا وبنزيف والدم هذاكا تخيلو اليد البرا والبيبى مزال في الكرش بحكم يعرفو رواحهم عملو جريمة وماينجموش يكملو جا رئيس القسم الي هوا محمد بيبي عمل عملية قيصرية وخرجني من كرش امي اكيد فاللحظة هذيكا امي مبنجة مافايقة بشي موش حاسة الي فما جزارة يقطعولها في لحمها ولحم بنتها نحب نسالو هادي خيري كان جات مرتك فالحالة هذيكا ترضى انت انو يشهدو شهادة غالطة باهي نكمللكم مزالت لحكاية طويلة هوماا مالخوف والربثة متاعهم الله اعلم في اللحظة اذيكا وبحكم في فرحات حشاد مافماش قسم جراحة الاطفال كان فالمستير في سبيطار فطومة بورقيبة من بيت العملية في وسيلة يهزوني للمستير تخيلو انتومااا لحمة عمرها دقايق بيبى صغرون قد الطرف يخرجوه بلاش ايد بنزيف في ايدو يمرمدوني يهزوني للمستير باش يخيطولي باللاهي قد الطرف بالنزيف اذاكا الكل ومامتش ربي خلاني عايشة وامي زادة عايشة ماماتتش هزوني وخلاو اليد في وسيلة كي وصلت للمستير قالولهم ويني اليد ويني اليد اليد تخبات او بالاحرى تلوحت فالبوبالة تلوحت باش ماتتعداش القضية غلطة طبية تتعدا جات للدنيا اكاكا ربي خلقهااا هكاااا ايييييه في البحث متع المركز سي هادي خيري يسالو فيه فالتحقيق قاللهم مافماش دم ومافما شي هيا تولدت اكاكا يغطي على زميلو الطبة مايعطوش بعضهم لكن ربي سبحان بعثلي طبة باهين الي فالمستير كتبو فالتقرير متاعهم الي البيبى جا بنزيف وعظم مكسور على مستوى الكتف وجاتنا بالفاصما الكتف مدورينو بالفاصما وكذبو الحكاية الي حكاها هادي خيري الكل
نحب نقلو شوف اني هاني كبرت وليت مرا وقوية اقوى مالزمان واقوى مالجرح الي عملتوهولي صحيح اني منحبش نحكي حكايتي جملة للناس ومنحبش نجبدو الموضوع اماا اليوم شنحكي على خاطر انت وليت وزير وزير صحة متع شعب كامل وزير باش تتلهى بصحة الشعب المسكين شنحكي على خاطر امي وعلى خاطر بابا شكون شعوضلهم سنين التعب سنين العذاب سنين التمرميد بابا من محكمة للمركز للوسيلة للمستير وهوا يدور على خاطري رجليه تكسرو بابا الي برغم الفقر والاحتياج وقتها مخلانيش ما لوحنيش يجيني كل يوم للمستير يطل عليا اني وقتها مزلت مانعرف شي مالدنيا ومنعرش علاش جيت اصلا للدنيا بابا ذلوه وبدعو بيه امشي منا وايجا منا راجل كان شيفرح بمولود جديد يلقى روحو في دوامة متع محامين ومصروف وسبيطارات نحب نقلك يا هادي خيري علاش ماقلتش الحق ماتخافش من ربي شهادة الحق مالدين نقلك انت وزميلك والي حاضرين في وسيلة وقتهاا اني كبرت وحمدلله ياربي نعتبر روحي مانقصني شي خاطر عشت بيد اكهو ونعمل كل شي وحدي ومانعمل على حد صحيح جات فترة دخلت في دوامة الاكتآب ورفضت الي اني فيه اما بعد كي كبرت هزيت روحي وقلت لازمني نعيش على خاطر بابا وامي ونقلك اني مانيش حاسة روحي ناقصة حاجة حمدلله ربي كتبلي باش نعيش هكا واني رضيت باللي جبتهولي اماا امي ماهيش راضية ومحبتش تنسى بالاهي شكون يعوضلها الدمووووع الي بكاتهم ليل ونهار امي مالبكى الي بكاتو معادش تشوف بالباهي ومعادش تسمع وديما عندها وجايع في راسها بعد 28 عام تنجم تعوضهم هاضم ريت مال الدنياا ومايتعوضوش امي ماهيش مسامحة واني زادة مانيش مسامحة”